逆向思考 順勢而為

首先，我地要分開投資定投機，同埋長、中、短線。

以最基本既股票投資來說，順勢操作就是牛市買升、入貨、調整儲貨，而熊市買跌、沽 貨、反彈減磅。咁點樣分辨牛市熊市又係另一課題。不過我地成日講資金市，當資金流入時大市就會升，咁就買升，中線定短線又係另一課題！有資金流走既跡象咪 快一步出貨。其中可以睇既大俠都有講的就是成交量。當然股價、指數及成交量都有好多人為因素影響，不過這是一個玩概率既遊戲，除非唔玩既姐。

另 一方面，選股要買強勢股，例如當汽車股當炒就要買東風，慢了就會轉風向。A股強勢必然要轉呔買A股或相關股份而暫時放棄本地股。買強勢股必須快、狠、準。 只要獲取了信息，就要快速下判斷，快速出手，要買就買，事後亦一樣要賣就賣。相信你自己的判斷， 不要遲疑。正所謂：Good deal never stays long!

盛極轉衰是必然的定律。而歷史亦不斷證明這個定律是正常。當恆指在升到3萬點以上高位時就是盛極，而結果必然轉衰。所以當你見人人都失去理性，全民皆股，有些股份市盈率高達60倍仍有高人出來說不要估頂，仍有人相信去買貨，這正正是轉衰的信號。

丁大俠有謂：你幾時見成村人一齊發達，通常只會得一兩個人發達。

因此順勢操作之後就是相反理論上場既時候。

在熊市的時候，要用順勢投機是比牛市困難。因為雖然整體勢頭係趺，但係期間夾雜很多反彈。所以熊市要用順勢投機是一步一驚心的，散戶還是觀望的好，一次睇錯被挾上，輸回幾次辛辛苦苦做淡所贏得。

在 牛市初期盡量買入，在牛市後期沽出，在熊市初期沽清，在熊市緩和時人人絕望就要靜靜儲貨。上述的頭與尾，初期與後期既判斷亦是另一課題，有人用經濟基本面 去睇（加上股市領先幾多幾多個月），有人用黃金比例去量度（利用中期最高最低點），有人就鍾意去海邊：睇下浪！還有很多很多其他方法。

超短線來說，見升買升，見跌買跌是帽客所為，無話好唔好，對唔對，總之前一刻是升上來就追買，跌下去就追沽，持倉通常是一兩分鐘，這種順勢操作一定需要有動力支持，否則贏埋都唔夠使費。

至於最普遍的半日短炒順勢操作，就是等待破位，買升時要吼升破前阻力位，做空倉要吼跌穿前支持位。亦有用技術指標去判斷短期趨勢的其他方法。

有人話升到幾多升不破買熊，跌到幾多跌不穿買牛，很明顯這種買賣不算順勢操作，而且近乎逆勢操作，可以說是在上落市炒大波幅。利用技術指標的話就要留意背馳訊號。記住一點是什麼操作也是可贏可輸，短炒的就緊記嚴守止蝕。

至 於有人提出在升市中，等待回吐買入，我諗以上述長線策略睇算算地順勢，但短線就唔係，因為回吐（續升）是帶主觀意願，如果是中期大調整，可以是大跌前夕， 做了好倉隨時萬劫不復。好多野都是事後至會知道。當然一些急速大量回吐後，有很多人會搏反彈，如果搭這種順風車，見好即收，不過夜為妙。做開炒賣既股友都 會知，陰陰跌時是無人夠膽在回吐期間（搶先）做好的；還有回吐是在跌，一買入就有虧損啊。

通常回吐後要買貨短炒要有雙底，甚至三底，仲要回 升升破某一些位，仲要企穩幾耐等等。否則一廂情願，一見回吐就「撈底」、「執平貨」，而不確定續跌或回升，只有止蝕收場。投機買賣唔多唔少有「搏」既成 份，因此我亦不會完全否定不同既睇法同買賣方式，只不過我個人就會穩陣一點。

有樣野要補充的是，趨勢未形成就不能做到順勢，要等，無耐性等，不是被悶走就是發現押錯注碼。

如果經驗不足，真係唔好以為三言兩語就可以去馬，正如上一篇文章所提及，贏了輸了都會是不明所以。

"逆向思考 順勢而為
等待才是最高深的操作"

http://creamli07.mysinablog.com/index.php?op=ViewArticle&articleId=1727620